كل اللى اتجوز اللى حبها يرفع ايده ... وله بلاش احراج... ها ايه رايكم؟؟؟
بس المشكلة انه ما فيش مفر من الاحراج و الدخول فى الموضوع و الكلام عنه على امل اننا نوصل لحل بدل ما الواحد ها يتجنن
قبل ما نوصل لموضوع الجنان و اقول ليه انا بعانى من حالة استغراب شديد
الموضوع ببساطة و على رائ اشرف عبد الباقى فى فيلم حب البنات "هو بغباوتة الحب" و السؤال ببساطة هو كل الناس بتتجوز اللى بتحبهم؟؟ طبعا فى حد بيبصلى بستغراب و يقول فى سره "عبيطة دى" ما هى معروفة "لا طبعا" ناس غربية بتسال اسئلة معرف الاجابة عنها
و اكيد حد تانى ها يسال يمكن بشوية نرفزة لما الاجابة معروفه ليه السؤال ،، و ليه الاستغراب و الجنان أصلا
الاستغراب مصدره مش السؤال بس،، لكن الموقف اللى بيحصل و بيتكرر
نلاقى شاب يعجب بفتاه و يبدا الكلام و يتعرفوا على بعض و يقولها "بحبك" و بس تبدا قصة الحب الوردية،، و بعد شوية اللون الوردى يخلص و ندخل فى مرحلة الكوابيس "انا ما اقدرش اتجوزك، ماما و اهلى بيتضغطوا عليه على شان اتجوز واحدة قريبتى" انا اسف حبيبتى
ملحوظة: احد الاسباب الرئيسة للتزويغ من الجوازة انه شايف انها طالما كلمتة تبقى اكيد كلمت قبلية شباب كتيرررررر و هو يفضل ان يرتبط بقريبتة القطة المغمضة التى لم تظهر عليها اى علامة من علامات الحب
لحد هنا و عادى و بتحصل و كتيرررر كمان فى حياتنا
طبعا ها ترجعوا تسالونى اومال مستغربه ليه؟؟؟
على شان اللى مش عادى
عارفين ايه ؟؟ الندم اللى بيلاحق الشاب و انه فجأة يدرك انه فعلا حب البنت و انه مش قادر يعيش من غيرها لانها البنت اللى حلم بيها و فيها كل المواصفات اللى عايزها بيفتكر فجاة انها مرحة، و بتفهمه، و شاطرة، و ... الى آخره - و كلام فى سركوا العروس مش دائما بتطلع بالبرأة اللى تخيلها- و طبعا دا بيزود الطين بله و قد يدفعه للانفصال
او الاسوأ انه يحاول يحتفظ بالعلاقة مع الطرف الاخر تحت مسى "اصدقاء" على شان مش قادر يبعد و لكم ا ان تتخيلوا النظره على وشة لما يبص لمراته و هو مدرك انها مش فتاه احلامه بس ست عادية مش قادر يتواصل ويقيم حوار معاها
و النظرة الاسوأ لما فتاه الاحلام الضائعة يتقدملها حد و تبدا فى التجهيز للفرح و ليكوا ان تتخيلو الموقف
طب ما كان من الاول وله احنا لازم الحاجة تضيع منا فعليا على شان ندرك قيمتها؟
الحقيقة الموقف ده اتكرر قدامى كتير و مش لاقية تفسير و نفسى حد يجاوبنى
يعنى مثلا ممكن يكون التفسير انه ما اتجوزهاش على شان هو مش واثق من تصرفتها،، أو لانة مش واثق من اختياره فا بيخلى الاهل اضمن يختاروا؟؟
وله من البداية هو حب يعمل الشاب الفتك اللى مقطع السمكة و ديلها و يعرف دى و يقنع دى بحبه و دى يقضى معاها الفلانتين لانها مش ها تطلب منه هدية و يمكن هية اللى تجيب -عببيطة و دابيه فى حيه- و يمكن تعزمه ، من غير ما يتصور لحظة و احدة انه فى وسط الزحمة دى ضيع الانساسنة الوحيدة اللى حبته بصدق و حبها هو من غير ما يحس ؟؟
حد عنده تفسير ؟؟؟
3 التعليقات:
التعلق يا فاطمه يا حبيبتى انهم ميملاش عنيهم الا التراب
هم عازين كل حاجه من غير ما يتنازلوا عن اى حاجه - طبعا الا من رحم ربى- يعنى النوع ده بيبقى عايز يعيش فتره عد مسئوليه مع واحده بس لما يجى يتجوز بيدور على واحده تانيه برغم ان الاولى كانت اختياره هو مش حد تانى وفى الغالب هو اللى كان بيجرى وراها
بس بمجرد ما تتجاوب معاه بيفضل يقول فى عقله الباطن ماهى ممكن تكون عرفت قبلى اكتر من واحد مع انه متاكد انها معرفتش غيره
الكارثه انه البنات بتحب بجد للاسف او ممكن نقول بتخلص اوى فى الحب الاول بالذات وطبعا اى حد عندها غيره بيبقى ولا له اى وجود
يعنى هو لا اتجوزها ولا خلاها تحب اللى هتتجوزه والمصيبه انه بيرجع يندم بعد كده بالله عليكى ده يتقال عليه ايه
بتفق معاكى ان دا ممكن يكون واحد من ضمن الاسباب بس مش معقول يكون السبب الوحيد
بالتاكيد نفسى اشمع و جة نظر الشباب فى االموضوع ده يمكن يكون ليهم وجه نظر احنا ما نعرفهاش
يمكن
:)
هو الموضوع فى الاول والاخر فراغة عين من الشباب وهبل من البنااااااااات لانها بتكون عارفة ان الشاب بيضحك عليها وهى مبسوطة لانها الاخرى بتكون عينها زايغة ومن الاخر وخلاصة الموضوع من ساعة مبعدنا عن دينا وسيرنا وراء الغرب والتقليد الاعمى للغرب ومبقيناش فهمين احنا فين واحنا مين
مفيش حل لكل مشاكلنا الا بالرجوع لاصولنا ودينا الى احنا ضيعناااااااااااااة ويخساااااااااااااارة
ياريت الشباب والبنات يفكرو بالعقل
إرسال تعليق